Krimi i rëndë tronditi Mallakastrën në ditën e dytë të vitit 2019. Gazmend Musta, 34 vjeç ka shkuar në shtëpi në gjendje të dehur dhe pas një debate verbal me bashkëshorten për motive të dobëta ka vrarë me thikë atë dhe motrën e saj. Viktimat janë Gentiana Caushaj, gruaja e autorit dhe motra e saj Merisa Caushaj.
Sherri në çift ka nisur, pasi gruaja donte të shkonte te prindërit e saj për festat, por burri nuk e ka lejuar. Pas debatit të fortë, ku e pranishme ishte edhe kunata, burri ka marrë thikën duke i qëlluar për vdekje.
Policia tha se dy ato kanë marrë plagë të shumta dhe për pasojë kanë humbur jetën në vend. Policia tha se autori i krimit të rëndë është vënë në pranga.
“Arrestimi i këtij shtetasi u bë pasi dyshohet se në gjendje të dehur, rreth orës 17.30 në banesën e tij në Ballsh, për motive të dobëta, ka vrarë me thikë bashkëshorten e tij, shtetasen G. C., 31 vjeçe si edhe motrën e bashkëshortes, shtetasen M. C., 18 vjeçe, të cilat kanë ndërruar jetë në vend. Grupi hetimor po punon për zbardhjen e plotë të kësaj ngjarje”, thuhet në deklaratën e policisë.
