Partia Demokratike ka përfunduar mbledhjen e sotme të kryesisë, gjatë së cilës është propozuar mbledhja e Këshillit Kombëtar gjatë ditës së nesërme. Burime për Opinion.al, bëjnë me dije se në mbledhjen e Këshillit do të bëhen disa propozime që lidhen gjithashtu me shkarkimin e Edi Palokës si kryetar i Këshillit Kombëtar dhe njëkohësisht shkarkimin e 4 sekretarëve që ishin të pranishëm në kuvendin e datës 11 Dhjetor.
Në mbledhjen e nesërme të Këshillit Kombëtar do të paraqiten disa propozime për të votuar:
- Një rezolute te posacme për situaten e krijuar ne PD.
- Me votim te fshehte shkarkimin e Kryetarit te Këshilit kombetar, anetareve te kryesise qe kane shkelur vendimin e kryesise per thirrjen e Kuvendit Kombetar, si dhe kryetareve te degeve te PD .
- Propozim per shkarkimin e 4 sekretareve per te bere funskional sekretariatin: Ervin Minarolli-Organizativ, Ledina Mandija-për pronat, Ivi Kaso-Sekretar për Çështjet zgjedhore, Belind Këlliçi Sekretar për Diasporën.
