Një aksident i rëndë ka ndodhur ditën e sotme në autostradën Fier-Vlorë në vendin e quajtur “zona e kripës”.
Bëhet me dije se si pasojë e këtij aksidenti kanë ndërruar jetë 4 persona, çifti i bashkëshortëve dhe dy fëmijë të mitur.
Një mjet tip “Audi” ka përplasur nga mbrapa një makinë tip “Toyota ” me targa greke. Ngjarja e rëndë sipas njoftimit të policisë ka ndodhur në orën 8:23 minuta. Deri më tani asnjë prej viktimave nuk është identifikuar dhe policia ende nuk ka zbardhur detajet e aksidentit.
Gjithashtu, përveç viktimave janë dëmtuar dhe dy shtetasit që udhëtonin në mjetin “Audi” (drejtuesi dhe pasagjeri), të cilët janë transportuar në spital, për ndihmë mjekësore dhe janë jashtë rrezikut për jetën.
Në vendngjarje ndodhet grupi hetimor, i cili po kryen veprimet e mëtejshme për sqarimin e rrethanave të aksidentit, identifikimin e viktimave dhe të personave të plagosur./Opinion.al
