Një ngjarje e rëndë ka tronditur qytetin e Ballshit mbrëmjen e së dielës, ku dhënderi ka plagosur me armë zjarri ish- vjehrrin dhe ish-vjehrrën.
Sipas informacioneve të policisë ngjarja ka ndodhur rreth orës 20:40 pas një sherri në banesën e tyre në lagjen “5 shkurti” në Ballsh.
Autori është shtetasi Lulzim Sina 35 vjeç nga Dukasi i Patosit, ndërsa të plagosurit janë Edmond e Ludmilla Xhaferaj 53 dhe 52 vjeç.
Çifti është dërguar në spitalin rajonal të Fierit, pasi burri ka marrë tre plumba në trup dhe i janë nënshtruar ndërhyrjes kirurgjikale.
Grupi hetimor ndodhet në vendngjarje dhe po punojnë për zbardhjen e rethanave të ngjarjes ,gjithashtu është organizuar puna për kapjen e autorit.
