Një grabitje me armë ka ndodhur sot në Laç, në rrugën nacionale Milot-Fushë Krujë. Në këtë ngjarje dyshohet se ka mbetur i plagosur një polic.
Nga të dhënat e para mësohet se dy persona me armë dhe maska kanë grabitur një makinë në autostradë, pranë fshatit Gjorm. Ata kanë qëlluar mbi patrullën e policisë që iu vu në ndjekje. Nikolin Gjergji është efektivi i policisë së Laçit i cili ka mbetur i plagosur. Mësohet se polici është në gjendje të rëndë dhe po transportohet në spitalin e Traumës.
Ngjarja ndodh në të njëjtën zonë ku një natë më parë u arratis personi i rrezikshëm, Edison Pula.
Kujtojmë se 21 vjeçari Edison Pula nga Fushë-Kruja, anëtar i bandës së Niklës i akuzuar për tentativë vrasje, tritol, drogë, etj. arriti tu shpëtojë nga duart efektivëve të Krujës 7 orë pasi ishte arrestuar. Ai është në arrati bashkë me shokun e tij, pjesë e bandës së Niklës Oltjon Caca, të cilin policia nuk arriti ta arrestojë në aksionin e djeshëm. /Opinion.al
