Dy të rinj humbën jetën në një aksident të tmerrshëm në aksin Lezhë-Shkodër, pas mesnate (ora 01:40). Viktimat janë Gentian Toma, 32 vjeç I cili ishte në drejtimin e mjetit tip Benz. Po kështu ka humbur jetën shoku i tij, pasagjer në automjet, Robert Ejlli 25-vjeç. Të dy ktheheshin nga Shkodra ku kishin qenë në festë, drejt fshatit të tyre në Mabë të Lezhës. 32 vjecari Gentian Toma ishte i martuar dhe ka lënë një djalë të mitur. Paraprakisht thuhet se ai udhetonte me shpejtesi tejet te lartë.
Policia tha se “Benzi” ka goditur nga pas një kamion, ndërsa për pasojë ka humbur jetën drejtuesi i tij dhe pasagjeri. “Më datë 22.08.2018, rreth orës 01:40, në supërstradën Lezhë – Shkodër, në vendin e quajtur “Ura e Dajçit”, është marrë njoftim se ka ndodhur një aksident automobilistik, ku mjeti tip “Benz” me targa AA 929 FF me drejtues shtetasin G.T. 32 vjeç, banues në Mabë – Lezhë, ka goditur nga mbrapa mjetin tip “IFA” me targa LE 3364 A me drejtues shtetasin E.B. 19 vjeç, banues në Lezhë. Për pasojë kanë humbur jetën drejtuesi i mjetit “Benz” shtetasi G.T. dhe pasagjeri po në këtë mjet shtetasi R.E. 25 vjeç, banues në Mabë – Lezhë”, njofton policia.
*Në foton kryesore, Gentian Toma
*Më poshtë foto nga aksidenti i rëndë, ku duket se makina e viktimave është kthyer në një grusht me hekura.
/Opinion.al
