Shpërthimi në pikën e karburantit pranë kryqëzimit të Shënkollit në Lezhë mbrëmjen e së shtunës është shkaktuar nga shpërthimi në një prej depozitave të karburantit. Mësohet bashkë me depozitën ka shpërthyer edhe një automjet i ndodhur aty pranë.
Mbrëmjen e djeshme u bë e ditur se nga shpërthimi mbetën të lënduar gjashtë persona nga të cilët dy ishin punonjës në pikën e karburantit.
Nga detajet e reja të bëra të ditura mësohet se dy prej të plagosurve ndodhen në gjendje të rëndë dhe janë dërguar me urgjencë drejt Tiranës.
Bardhok Bushati, 36 vjeç ka marrë dëmtime në trup dhe në kokë dhe ndodhet në Spitalin e Traumës në Tiranë. Ndërsa personi tjetër me inicialet N.P 40 vjeç është paraqitur në QSUT pasi ka marrë djegie në trup në masën 40%. /Opinion.al
