Sektori i Dekriminalizimit në prokurori dërgoi sot në KQZ dosjen e plotë për dy deputetët Aqif Rakipi i PDIU-së dhe Gledion Rahovica i LSI-së. Prokuroria ka kërkuar tu hiqet mandati këtyre deputeteve pasi rezultojnë me probleme me drejtësinë jashtë vendit dhe këtë nuk e kanë deklaruar për formularin e dekriminalizimit.
“Më herët ishte kërkuar verifikimi përmes shenjave të gishtave dhe tashmë ka ardhur përgjigja nga autoritetet italiane”, thanë burimet për Opinion.al.
“Ata kanë rezultuar me probleme nga autoritetet italiane nga ekzaminimi i gishterinjve. Po kështu rezulton se kanë ndryshuar edhe identitetin”, saktësuan burimet.
Kërkesa për heqjen e mandateve është bërë nga sektori i dekriminalizimit që drejtohet nga prokurorja Rovena Gashi dhe pritet që KQZ ta marrë në shqyrtim.
Ky sektor u hoqi mandatin disa deputetëve edhe legjislaturën e kaluar.
/Opinion.al
