Ashtu siç të huajt zgjedhin të pushojnë në vendin tonë, edhe një pjesë e shqiptarëve shkojnë jashtë vendit për pushime verore. Resortet turistike të Turqisë, Greqisë, Spanjës, Dubait e Egjiptit janë destinacionet më të kërkuara.
Duke bërë një krahasim midis shtetasve të huaj që vijnë në vendin tonë për turizëm dhe shqiptarëve që ikin jashtë për pushime, turoperatorët thonë se dominojnë hyrjet në vend dhe kjo ka disa arsye.
Në Durrës janë të shumtë turistët që vijnë nga Spanja, Gjermania, Polonia dhe vende të tjera të lindjes, por risia e këtij viti është ardhja e turistëve nga Kina.
Plazhet, qendra e qytetit të Durrësit dhe rrugicat përreth amfiteatrit antik mbeten zonat më të frekuentuara nga turistët./ Tv Klan
