Një bankë e nivelit të dytë në Fushë Krujë është tentuar të grabitet mëngjesin e së enjtes. Policia njofton se ngjarja ka ndodhur rreth orës 3;30, kur persona ende të paidentifikuar kanë tentuar të vjedhin bankën, duke thyer me mjete të forta derën e jashtme të saj. Po grabitësit që mendohet se kanë qenë 2 persona nuk kanë arritur ta kryejnë aktin, për shkak të rënies së alarmit dhe janë larguar duarbosh.
Njoftimi i Policisë:
Më datë 09.08.2018, ora 03:30, në Fushë-Krujë, është tentuar të vidhet duke hapur me mjete të forta derën e jashtme të një banke të nivelit të dytë. Punohet për indentifikimin e kapjen e autorëve.Neni 22 dhe 136 i Kodit Penal.
Shenim: Foto ilustruese
