Mbledhja e radhës së liderëve të vendeve të BE-së dështoi të prodhonte një kandidaturë konsensuale për presidentin e Komisionit Europian.
Në samitin informal që përfundoi vetëm pas mesnate, u nënvizuan edhe njëherë ndasitë e kancelares gjermane Merkel dhe presidentit francez Makron në lidhje me këtë çështje. Merkel mbështet parimin e presidenti i komisionit duhet të jetë kandidatura e partisë më të madhe të parlamentit. Zgjedhjet e fundit europiane u fituan nga Partia Popullore Europiane, kandidati i së cilës është kryetari Manfred Veber. Ky i fundit refuzohet nga Macron i cili preferon një person më të njohur për popullin europian dhe më pak teknik sesa gjermani.
Emrat alternativë që qarkulluan ishin ai i kryenegociatorit të Brukselit për Brexitin, Mishel Barnie dhe presidentja e Kroacisë, Kolinda Grabar Kitaroviç.
Megjithatë, liderët nuk arritën në asnjë përfundim dhe caktuan 30 Qershorin për mbledhjen e radhës ku synohet arritja e një marrëveshjeje. /Opinion.al
