Ka dështuar sërish ditën e sotme seanca për konstituimin e Kuvendit të ri të Kosovës.
Sipas burimeve bëhet me dije se seanca dështoi për shkak se nuk doli në votim raporti për verifikimin e mandateve.
Kryesuesi i seancës, deputeti i zgjedhur i LVV-së, Avni Dehari, tha se “nuk pati konsensus” në konsultimet që i thirri paraprakisht me përfaqësuesit e partive politike.
“Takimi shpërfaqi qëndrimet aktuale të tyre. Pati përfaqësues që e braktisën konsultimin. Fatkeqësisht nuk pati konsensus. Seanca do të vazhdojë brenda 48 orëve, në orën 12:00 më 19 prill 2025, me shpresë që deri atëherë të ketë pajtueshmëri”, tha ai.
Mësohet se seanca e rradhës do të mbahet pas 48 orëve, në ora 12:00./Klankosova.tv
