Ka dështuar për herë të shtatë konstituimi i Kuvendit të Kosovës. Deputetët nuk kanë arritur ta konstituojnë atë, pasi kandidatja e partisë fituese Lëvizja Vetëvendosje nuk mori votat e nevojshme për të fituar postin e kryetares së Kuvendit.
Në votimin e zhvilluar sot , 57 deputetë votuan në favor të Albulena Haxhiu, 41 ishin kundër dhe tre abstenuan, duke mos arritur kështu pragun e 61 votave të nevojshme.
Kryesuesi i seancës konstituive, Avni Dehari, njoftoi se seanca e radhës do të mbahet të martën, ndërkohë që LVV ka vendosur të mos ndryshojë kandidaturën, duke propozuar përsëri Albulena Haxhiun për kryeparlamentare.
