Mbledhja e komisionit parlamentar hetimor për privatizimin e CEZ nuk është zhvilluar ditën e sotme. Sipas Shkëlzen Berishës, i cili ishte paraqitur sot në bazë të kërkesës zyrtare për të dëshmuar, ai është njofttuar në momentin e fundit se mbledhja e parashikuar për sot nuk mund të zhvillohej, për mungesë kuorumi.
Jo vetëm anëtarët e opozitës e cila tashmë ka braktisur përfundimisht jetën parlamentare, por edhe deputetë socialistë të komisionit duket se e kanë braktisur komisionin e drejtuar nga Taulant Balla. Nisur nga kjo dëshmitari Shkëlzen Berisha, ironizon duke shkruar në profilin e tij se: “Ramës i kanë humbur delet. Mbledhja e komisionit shtyhet për mungesë kuorumi”.
Në lidhje me mosmbledhje e komisionit reagoi edhe kryetari i tij Taulant Balla, që tha se pavarësisht mungesës së PD-së, mbledhja do zhvillohet në datën 27 shkurt.
