Partia Republikane do të dalë e vetme në zgjedhjet e 25 qershorit. Kryetari i saj Fatmir Mediu ka dalë nga takimi me Lulzim Bashën në zyrën e tij në PD. Burimet thanë se Mediu nuk arriti marrëveshje me Bashën për të futur tre deputetë të sigurt në listat e PD-së. Me sa duket Basha i ka ofruar më pak se ç’priste Mediu.
Në një situatë të ngjashme janë edhe Agrarët e Agron Dukës. Ndërsa dy nga aleatët e PD-së, Dashamir Shehi i LZHK-së dhe Nard Ndoka i PDK-së do të jenë në listat e Partisë Demokratike, përkatësisht i pari në Qarkun e Tiranës dhe Ndoka i dyti në atë të Shkodrës.
