Marrëveshja për Brexit dështoi për të tretën herë ditën e premte në Parlamentin britanik, gjë e cila ka shtuar presionin politik jo vetëm në politikën Britanike por dhe në atë të Bashkimit Europian.
Por, pavarësisht dështimeve, duket se kryeministrja Teresa May nuk do të dorëzohet për të realizuar marrëveshjen para afatit ligjor të caktuar nga BE.
Mësohet se May, ka në plan që shtyjë dhe njëherë afatin e Brexit, në mënyrë që të fitojë kohë për votimin në Parlamentin e Britanisë.
Kryeministrja është shprehur se Britani do të largohet nga BE para datës 22 maj, duke shmangur kështu zgjedhjet europiane.
Ndërkohë, BE i ka caktuar 12 prillin si afat ligjor për të miratuar në Palament marrëveshjen për Brexit./ Opinion.al E. Xh.
