Dy zyrtarë të lartë amerikanë që dhanë dëshmi në Dhomën e Përfaqësuesve gjatë hetimeve ndaj presidentit Trump, janë shkarkuar nga detyra.
Koloneli, Alexander Vindman dhe donatori i fuqishëm i Komitetit inagurues të Trumpit, Gordon Sondland, janë shkarkuar pas përfundimit të gjyqit, ku Trump u shpall i pafajshëm nga akuzat për abuzim pushteti dhe pengim të punës së Kongresit.
Të dy kishin dhënë dëshmi që konsideroheshin të dëmshme ndaj argumenteve të Trumpit. Pas kësaj, Presidenti amerikan kishte sulmuar publikisht kolonelin Vindman dhe ishte distancuar nga Sondland.
Ndërkaq, shkarkimet e tyre vinë pasi zëdhënësja e administratës, Stephanie Grisham, deklaroi më 6 shkurt se “ndoshta ata njerëz që nuk e kanë respektuar presidentin duhet ta paguajnë”./Opinion.al
