Merret në mbrojtje nga policia, Romeo Kara, juristi i Operatorit të Shpërndarjes së Energjisë Elektrike, pas dëshmisë së bërë ndaj Kastriot Ismailajt, administratorit të DIA-s.
Kara është paraqitur sot në gjykatë për të dëshmuar për gjyqin ndaj Ismailajt, ndërsa ruhet nga 5 police të Forcave Speciale.
Mësohet se vendimi për marrjen në mbrojtje u vendos pasi ka dyshime se i rrezikohet jeta për shkak të dëshmisë ndaj çështjes “CEZ”, shkruan Balkanweb.
Sot do të mbahet seanca gjyqësore për Ismailajn, i cili akuzohet për “Mashtrim me pasoja të rënda” dhe “Pastrim të parave”, vepra këto të kryera në bashkëpunim me persona të tjerë.
Sipas organit të akuzës, Ismailaj me anë të falsifikimit e mashtrimit ka arritur të përvetësojë nga kompania CEZ-shpërndarje rreth 5 mln euro.
