Një 24 vjeçare nga Korça u kthye dy ditë më parë në qendër të vëmendjes së medias, pas publikimit të rastit nga policia, ku vajza ishte shitur disa herë në Maqedoni për shumën e 400 eurove, nga dy shtetas të cilët më pas u arrestuan nga Policia.
Por vetëm 2 ditë pas kësaj ngjarje,Vjollca Shkëmbi, ka hedhur poshtë pretendimet e policisë se u grabit nga shtetasit Urim Qazimaj dhe Mersin Myrtollari, që rezulton të jetë daja i saj.
Në një intërvistë për mediat vajza thotë se Qazimajn e ka të dashur dhe kishin komunikuar më parë që të vinte ta merrte.
Më tej ajo pohon se kanë rënë dakord që Qazimaj të vinte dhe ta merrte nga shtëpia në fshatin Dobranj ku ajo banonte me burrin, por që nuk e donte.
Ajo i bën apel policisë që ta lirojnë Urim Qazimaj dhe dajen e tij Mersin Myrtollarin pasi janë të pafajshëm.
Ndërsa, përsa i përket udhëtimit të saj drejt Maqedonisë, ajo thotë se ka qenë më parë në Maqedoni por jo se e kanë shitur por ka qenë e lidhur me një djalë me të cilin ka një vajzë, të cilët tashmë jetojnë në Bullgari.
