Autoritetet ende nuk mund të përcaktojnë nëse Ervis Martinaj ka inskenuar zhdukjen e tij apo është rrëmbyer e vrarë nga kundërshtarët.
Në pranga ka rënë një nga agjentët e forcës së posaçme operacionale në policinë e shtetit Jeton Lami, pasi akuzohet se ka qenë personi që ka transportuar me makinën Martinajn.
Ndërkohë, Prokurorët kanë rënë në gjurmët e një vajze që ndodhej në një hotel në Durrës me Ervis Martinajn, para se ky i fundit të zhdukej.
Vajza, është marrë në pyetje nga prokurorët dhe ka pranuar se kishte që nga muaji janar i këtij viti që shoqërohej me të shumëkërkuarin, me të cilin sikurse deklaron ishte njohur përmes rrjeteve sociale.
“Herën e fundit që u takuam ishte mbrëmja e 5 gushtit. Një i njohur i tij na shoqëroi për në një hotel në Durrës. Qëndruam aty atë natë dhe të nesërmen na mori. Unë ika për në shtëpi. Dy ditët në vazhdim kam komunikuar me të, por më pas u shkëputën kontaktet”, shpjegon vajza.
Ajo thotë se tentoi të lidhej me Martinajn, por nuk mundi dot. Për këtë shkak të nisur të shqetësohet dhe ka marrë kontante me persona, që kishin dijeni për të, por nuk ka mësuar asgjë për fatin e 40-vjecarit. E reja shprehet se nuk e kishte idenë se me ke ishte përplasur Martinaj dhe për cilët arsye, ndërsa thekson se ai asnjëherë nuk i shprehte shqetësim, apo rrëfente ndonjë ngjarje që lidhej me të.
