Është zbardhur deklarata e babait të Arjan Gosës, i cili u vra dy ditë më parë në një lokal në Kavajë.
Motivi kryesor i krimit ishte ai i hakmarrjes në lidhje me një ngjarje të ndodhur në mars ku vëllai i viktimës Armand Gosa bashkë me Altin Rexhën, pas një konflikti, vranë njëri-tjetrin.
Teksa pa me sy vdekjen e të birit, sipas abc news, babai i Arjan Gosës është shprehur se nuk e kishin vënë re autorin teksa iu afrohej. Ai thotë se vetëm kur plasi arma kthehu kokën dhe pa të birin që ra.
Ai thekson se Arjani ishte goditur në kokë dhe se për të nuk kishte asnjë lloj shprese për të shpëtuar.
“Ne nuk mendonim se ngjarja e marsit do të vazhdonte. Në ngjarjen e parë, vdiqën të dy. Nuk kishte pse të vazhdonte me kjo histori. Neve nuk ruheshim, pasi s’na shkonte ndër mend që familja Rexha do te vazhdonte. Djali im Arjani pak dite me parë kishte ardhur nga Italia, pasi jetonte atje. Dolëm te pinim kafe dhe të ndiqnim ndeshjen Napoli-Inter. Ishim ulur të ajo tavolina aty, pasi konsumonim cigare dhe ishim kthyer me shpinë nga rruga dhe po shikonim ndeshjen. Nuk e pamë fare. Vetëm kur plasi arma. Ktheva kokën dhe pash qe Arjani u këput dhe pash një person qe doli me vrap. U shokova kur pash tim bir te goditur në kokë. S’kishte asnjë shprese, humbi jeten menjeherë. Nuk di cfare te them me shume,”-ka deklaruar nder te tjera Osman Gosa, babai i Arjan dhe Armand Goses, te cilet mbeten viktima ne harkun e dy muajve.
