Ambasada Amerikane në Tiranë ka një njoftim për të gjithë të rinjtë që duan të aplikojnë për studime në SHBA. Më 11 tetor bëhet një bashkëbisedim online, gjatë së cilit do të flitet mbi jetën e studentëve ndërkombëtarë që ndjekin shkollën në SHBA.
“Jeni kuriozë të dini si është të studiosh në Shtetet e Bashkuara? Të enjten, 11 tetor, EducationUsa organizon një bashkëbisedim të drejtpërdrejtë online mbi jetën e studentëve ndërkombëtarë që ndjekin shkollën në SHBA. Mësoni se si kampuset amerikane ushqejnë një klimë gjithëpërfshirëse dhe dialogu. Bashkohuni edhe ju me ekspertë të arsimit, studentë ndërkombëtare dhe stafin e Departamentit të Shtetit amerikan për të diskutuar mbi mënyrën si kolegjet dhe universitetet i integrojnë studentët ndërkombëtare në komunitetet e kampuseve të tyre”, shkruan ambasada në një postim në faqen e saj zyrtare.
