Përzgjedhësi i Francës, Didier Deschamps, mendon se mbrojtja e fortë dhe kundërsulmet janë arma më e fortë e Shqipërisë.
Franca dhe Shqipëria takohen në kuadër të xhiros së dytë në fazën e grupeve të Evropianit këtë të mërkurë.
Trajneri i “Gjelave”, Didier Deschamps, ka thënë se Shqipëria është një ekip i organizuar shumë mirë, me mbrojtje të fortë dhe kundërsulme të shpejta, përcjell Lajmi.net.
“Shqipëria është një ekip mjaft mirë i organizuar sepse e kanë një trajner italian që ka bërë punë të mrekullueshme. Ata mrbohen mirë por nuk varen vetëm nga kjo, ata kanë kundërsulme të shpejta, punojnë shumë dhe është mbresëlënëse se sa shumë hapësirë mbulojnë. E pamë këtë ndaj Zvicrës, kur ata e merituan barazimin në fund”, u shpreh Deschamps.
