Gjykata e Tiranës ka vendosur masën e sigurisë arrest me burg për 23 – vjeçaren Desara Mancellari e cila me datën 1 prill dogji makinat e familjes së ish të dashurit, Filip Qose- Papajani.
Ka qenë prokuroria ajo që bazuar në provat dhe faktet e mbledhura në vendngjarje kërkoi që 23 – vjeçarja nga Tirana të lihet në burg.
Sipas prokurorit Enklid Gjini, Dasara e kishte planifikuar zjarrëvënin dy ditë para se ta kryente, duke blerë një shishe me benzinë me të cilën dogji 4 automjetet në një pikë karburanti.
Por avokati i saj Gerdinand Doja ka kundërshtuar masën e sigurisë, duke pretenduar se Desara u rrah barbarisht nga familja e Filip Papajanit, ish i dashuri i saj. Sipas tij ndaj Desarës familja Papajani ka ushtruar dhunë fizike dhe psikologjike për t’i dhënë fund lidhjes me Filipin.
