Java pritet të jetën nën ndikimin e vranësirave ku më prezente pritet të jenë në pjesën e dytë të javës.
Meteorologu Hakil Osmani shprehet për Klan News se sa i përket temperaturave deri ditën e mërkurë pritet të kemi rritje graduale të tyre.
Dita e mërkurë pjesa e parë e saj do të jetë në mbizotërimin e motit të qëndrueshëm, teksa do të kemi ndryshim të kushteve atmosferike duke filluar në orët e vona të ditës së mërkurë edhe në vijim ditën e enjte dhe dita e premte do të sjellë një ulje të ndjeshme të temperaturave të ajrit.
Ndërkohë sa i përket parametrave të erës, problematike pritet të jetë ditën e mërkurë dhe të enjte.
“Moti përgjatë kësaj jave pritet të jetë kryesisht nën mbizotërimin e vranësirave të shumta të cilat gjatë kësaj fillimjave do të sjellin mundësira për reshje, por në sasi shumë të ulëta. Kryesisht në qytetet e zonës së ulët dhe në vijën bregdetare do të kemi momente të pakëta me pika shiu ndërsa në zonat veriore dhe pjesërisht në gjysmën lindore do të kemi dhe herë pas here reëbeshe të izoluara shiu.
Përsa i përket temperaturave të ajrit të paktën deri ditën e mërkurë pritet të kemi rritje graduale të tyre. Maksimumet ditën e sotme regjistrohen shumë pranë vlerave 24 gradë Celsius, por do të vijojë rritja e vlerave të temperaturave duke bërë që maksimumet në rrang territori deri ditën e mërkurë të jenë shumë pranë vlerave 30 gradë Celsius në vijën bregdetare në qytetet e zonës së ulët duke përfshirë këtu edhe kryeqytetitn pritet të luhatet nga 27-29 gradë Celsius. Në zonat malore do të kemi maksimue pranë vlerave 21 apo 22 gradë Celsius.
Dita e mërkurë në pjesën e parë të saj do të jetë në mbizotërimin e motit të qëndrueshëm. Do të kemi alternime kthjellimesh dhe kalime të shpeshta të vranësirave të cilat në pjesën e dytë të ditës do të bëhen më të dukshme duke bërë që të kemi edhe momente të pakëta me reshje të izoluara shiu.
Kemi ndryshim të kushteve të motit duke filluar në orët e vona të ditës së mërkurë edhe në vijim ditën e enjte dhe dita e premte do të sjellë një ulje të ndjeshme të temperaturave të ajrit, më e ndjeshme ditën e premte duke bërë që maksimumet në rang territori të jenë jo më shumë se vlera 23 gradë Celsius. Me rënien e temperaturave të ajrit do të kemi ardhjen e një sistemi ku do të kemi prezente reshjet e shiut herë pas here edhe në formën e rebesheve. Më të dukshme këto reshje pritet të jenë në pjesën e dytë të ditës së enjte dhe në orët e para të ditës së premte.
Temperaturat e ajrit jo vetëm në orët e para të ditës, por po ashtu edhe në mëngjes pritet të kemi rritje duke bërë që minimumet mëngjesin e sotëm janë regjistruar në 5 gradë Celsius, por do të vijojë rritja deru ditën e mërkurë duke bërë që minimumet në zonat malore të regjistrohen edhe në 8 gradë Celsius, ndërsa në ultësirën Perëndimore të luhaten nga 10-16 gradë Celsius. Pjesaq e dytë e javës edhe sa i përket temperaturave pritet të kemi një rënie të tyre.
Sa i përket parametrit të erës deri ditën e martë do të jenë jo shqetësuese, me një shpejtësi jo më shumë se 35 apo 40 km/h, por ditën e mërkurë dhe të enjte era do të shfaqet mjaft problematike, duke bërë që në intervale të shkurtra kohore, të jetë me një shpejtësi edhe 65 apo 70 km/h”, shprehet Hakil Osmani.
