Gjatë fjalës së tij në seancën e sotme kyreministri Rama u ndal dhe te debati për riatdhesimin e qytetarëve. Rama theksoi se me riatdhesimin rrezikohen përhapja e vatrave të reja dhe për këtë arsye duhet të qendorjnë 14 ditë të karantinuar të gjithë ata që kthehen.
Ai solli në mendje rastin e Singaporit, i cili u konsiderua shembull suksesi për menaxhimin e krizës në fillim por me riatdhesimin e qytetarëve rastet kanë filluar të shtohen përsëri.
“Deri tani nuk kemi bërë asnjë gabim, sepse mjafton një njeri për të bërë gjëmën dhe janë shembuj se si riatdhesimet kanë sjellë valë të reja. E shpjegova dje Singaporin që iu rikthye nga riatdhesimi i 500 studentëve. Ku ka kryeministër në botë që ka dëshirë t’i bëjë këto gjëra, por nëse nuk do i kishim bërë këto gjëra, sot nuk do ishim duke i uruar shërim të shpejtë Alimadhit dhe nuk e di se sa prej jush do mungonin sot këtu”, tha Rama.
Pas kësaj nga foltorja ndërhyri deputeti Murrizi duke i thënë kryeministrit “lërja Zotit këtë punë se nuk e di se çfarë do të ndodhte”.
Kjo nxiti përsëri batutë nga ana e Ramës i cili iu drejtua deputetit me epitetin “teologu Myslym”.
Lerja Zotit thotë teologu Myslym. Doli një ministër në Izrael dhe tha kjo ka ardhur për të ndëshkuar të pafetë, do ti që e zuri korona këtë. Boll se të paska futur karantina në situatë absurde. Dëgjoj këtu dëngla që është turp. ‘I morët nga Europa ato 50 mln, t’i dëgjoj nga këto 50 mln eurot e dhëna nga BE nuk janë para që po futen në qese dhe erdhën këtu dhe humbën. Të gjitha këto që po bëjmë janë përballuar vetëm nga buxheti i shtetit deri tani nuk ka asnjë qindarkë të huaj. Mos mashtroni njerëzit, filloni njëherë tek informimi. Flisni me prova këtu. Lereni Zotin në punë e vet“, tha Rama. /Opinion.al
