Pas rreth 15 orësh kërkime nga policia e Vlorës dhe Reparti Delt, janë gjetur dy turistët hungarezë të cilët kishin humbur ditën e djeshme.
Çifti nga Hungaria të moshave 35 dhe 40 vjeç kishte dërguar dje sinjalin SOS. Kërkimet për ta po zhvilloheshin në zonën e Karburunit. Makina të cilën ata përdornin ishte parkuar pranë një lokali në zonën ku humbën.
Gjatë natës çifti kishte vendosur të flinte në çadër kampingu pasi nuk mund të ktheheshin si pasojë e errësirës dhe terrenit të vështirë. Zona ku ata kishin qëndruar nuk kishte mbulim valësh telefonike dhe kjo e bënte të pamundur që policia të lidhej me ta.
Mëngjesin e sotëm ata kanë arritur të nisin një mesazh ku ndodhen në një zonë të thellë në Karaburun. Gjithashtu në mesazh ata informonin se ishin në gjendje të mirë shëndetësore por kishin mungesë të ujit të pijshëm.
Policia identifikoi vendndodhjen e tyre, një zonë e cila quhet Qafa e Thellë në Karaburun dhe që është shumë e vështirë për të shkuar. /Opinion.al
