Një punonjës policie është lënduar nga sherri mes tifozëve të Tiranës dhe Partizanit para nisjes së derbit të kryeqytetit mesditën e sotme në Arena e Demave.
Mësohet se efektivi i policisë është goditur me sende të forta dhe ndodhet në spital, për ndihmë mjekësore.
Uniformat blu bëjnë me dije se janë shoqëruar në komisariat dy tifozë të skuadrës së Partizanit.
”Gjatë hyrjes në stadiumin “Arena e Demave”, Tufinë, të tifozëve dhe sportdashësve për të ndjekur ndeshjen e futbollit Partizani-Tirana, është goditur me sende të forta një punonjës policie, i cili ndodhet në spital, për ndihmë mjekësore.
Shërbimet e Policisë kanë shoqëruar në ambientet e Komisariatit dy shtetas (tifozë të skuadrës së futbollit Partizani), për akte të dhunshme para dhe gjatë zhvillimit të ndeshjes.
Në vijim do të keni informacion me të dhëna më të plota në lidhje me rastin”, njofton policia.
