Rudina Hajdari, vajza e dëshmorit të Atdheut Azem Hajdari ishte sot e emocionuar në ceremoninë përkujtimore të të atit. Ajo ka zënë vend në parlament këtë legjislaturë dhe u zotua se do të jetë zë i fortë i opozitës. “Do mbroj interesat e kombit, të atyre që duan ta cojne vendin përpara, tha Rudina Hajdari përpara monumentit të të atit.
Pjesë nga fjala e saj
“Ndihem shumë e prekur sot se përvecse kujtojmë liderin historik të PD, emocion i vecantë për mua se kujtojmë babnë tim. Megjithëse kanë kaluar 19 vjet ne prapë jemi të bashkuar më shumë se kurrë të ngremë lart figurën, vlerat dhe partinë që ai solli me vlerat më të vërtetë më të moralshme. Jemi akoma më të bashkuar me PD sot që ta cojmë atë përpara dhe ti tregojmë vendit se meritojmë një Shqipëri më të mirë e me vlera. Jam shumë e emocionuar edhe për një fakt tjetër, që unë sot do të flas në Kuvend si deputetet e PD dhe do flas në këtë ditë, ishte koincidencë, por ndoshta ka qenë dhe dëshira e tij. Ju siguroj ju se do jem zë i fortë i opozitës shqiptare, do mbroj interesat e kombit tim, të atyre që duan ta cojnë vendin përpara, le ti bashkohemi sot dhe të jemi frymëzim për ta bashkuar Shqipërinë më shumë sesa kurrë”.
