Deputetja e Partisë Demokratike, Dhurata Çupi, është shprehur se kryeministri Edi Rama përpara se të trumbetoj me të madhe rrogat për doktorët, duhet t’u krijojë më parë kushtet e punës.
Përmes një shënimi në rrjetin social Facebook, Çupi shkruan se në kushte krejtësisht të papranueshme për të shërbyer në spitaline e Burrelit, për rastet e lindjes së fëmijës, mjekët e spitalit “Koco Gliozheni” refuzojnë të shkojnë të shërbejnë atje.
Sipas saj, këta mjekë nuk mund të marrin dot përsipër asnjë rrezik në rast komplikacioni apo edhe për lindjet normale për nënat e reja.
Ajo thekson se mjekët specialistë nuk mund të marrin dot përsipër t’i bashkohen propagandës, përballë zero kushteve për t’u shërbyer pacientëve.
Ja postimi i Çupit:
Mjekët refuzojnë rrogat “gjermane” të Ramës përballë kushteve mizerabël të Spitalit Rajonal të Burrelit.
Në kushte krejtësisht të papranueshme për të shërbyer në spitaline e Burrelit, për rastet e lindjes së fëmijës, mjekët e spitalit “Koco Gliozheni” refuzojnë të shkojnë të shërbejnë atje. Këta mjekë nuk mund të marrin dot përsipër asnjë rrezik në rast komplikacioni apo edhe për lindjet normale për nënat e reja.
Kryeministri ndërsa trumbeton rrogat e larta për të stimuluar mjekët për të shërbyer në këto spitale, duhet më së paku të krijojë kushte për tu shërbyer pacientëve e që mjekët të mund ta ofrojnë këtë shërbim.
Mjekët specialistë zoti Rama nuk mund të marrin dot përsipër ti bashkohen propagandës tënde përballë zero kushteve për tu shërbyer pacientëve.
Në spitalin e Burrelit, duhet ti lutemi Zotit që mos ketë rast urgjent për të sjellë në jetë fëmijë natën e ndërrimit të viteve, se përndryshe nënat e reja do të përballen me rreziqe në këtë kohë festash.
Që festat të jenë të tilla, edhe për banorët e këtyre zonave, duhet ndërhyrje urgjente për krijimin e kushteve normale për shërbim në këtë spital.
Vetëm atëherë mjekët nga Tirana do të mund të pranonin të shërbenin në Spitalin Rajonal të Burrelit
