TIRANË- Komisioni i Shëndetësisë është përfshirë nga debate të ashpra sot ku kryesisht deputetet e PD kanë akuzuar ministrin Beqaj për shpërdorim me fondet dhe mosmenaxhim të situatës në spitale. Më e ashpra ka qenë deputetja e PD e zgjedhur në Lezhë, Albina Deda, e diplomuar në Mjekësi.
Beqaj: Nuk ka mungesë ilaçesh në spitale.
Vokshi: Mungojnë 15 ilaçe decizive sot në treg. Në qendra shëndetësore mungojnë shiringat dhe pambuku. A i dini ju këto z. Ministër?
Beqaj: Kjo ishte sjellje e pritshme prej teje si specialiste e ilaçeve firmato.
Vokshi: Vëre në punë Senatoriumin. As nje koronarografi nuk bëhet sot atje. Kam një mesazh që dikush më thotë se ka 3 muaj që nuk merr ilaçin e së ëmës për kancerin.
Beqaj: Kjo historia jote e facebookut është bërë në modë. Si facebooku i Saliut.
Vokshi: S’ta them dot emrin se e heq nga puna. Ju e keni bërë terror dhe diktaturë këtu.
Deda: Mungojnë një sërë ilaçesh..
Beqaj: Nuk mund të dëgjoj broçkullitjet që ke thënë gjithë vitin.
Deda: Injorancë e broçkullitje e kombinuar mirë tek ti. Je strumbullari i gjithë këtyre marrëveshjeve me depot farmaceutike. Je i vetmi Ministër që s’di dhe s’pyet profesorët për vendimet që merr. As modelet që vendosi Nard Ndoka nuk i ruajte dot. Se ti i kapërcen njohuritë e Nardit në shëndetësi.
