Deputeti i Partisë Socialiste në qarkun e Lezhës, Pjerin Ndreu nuk i ka kursyer ironitë në drejtim të ministrave teknikë, të cilët u emëruan në këto poste pas marrëveshjes së 18 majit mes PS-PD.
Me anë të një mesazhi në faqen e tij të ‘Facebook’-ut, Ndreu i krahason ministrat e emëruar nga PD si plakat që shkojnë për vizitë diku dhe harrojnë të ikin prej aty.
“Këta ministrat teknike të PD janë bërë si ata plakat që të vijnë në shpi për kafe dhe harrojnë me ike duke bërë muhabet!”, citohet në mesazhin e shkurtër të Ndreut.
Ditën e djeshme teksa u pyet nga gazetarët për ministrat teknik, kryeministri Edi Rama u shpreh se ai nuk ka thënë më herët se do i pushojë por po pret që të largohen vet.
