Kodi i Sjelljes së deputetëve duket se do të ndryshojë sërish. Vëmendjen e ka marrë një nen që përcakton mënyrën se si duhet të vishen deputetet. Nëse në kodin e mëparshëm thuhej vetem “veshje formale, zyrtare” në propozimet e reja gjendet shprehja “modë e tepruar”.
Duket se ish-funksionari i diktaturës që drejton Kuvendin, Gramoz Ruçi nuk do të lejojë më “shfaqjet e huaja” në sallën e parlamentit. Por sa dakord do të bie Edi Rama me rregulloren e re, pasi veshja e tij jo formale ka rënë disa here në sy? Kjo mbetet për tu parë kur Rregullorja të shkojë për votim…
Neni 7 i Rregullores përcakton paraqitjen e deputetit në veprimtaritë parlamentare, ku deputeti nuk duhet të ndjekë modën në mënyrë të tepruar.
Neni 7
Deputeti nuk duhet të:
a)Marrë pjesë në punimet e Kuvendit në gjendje të dehur
b)Ndjekë modën në mënyrë të tepruar
c)Kryejë veprime ose gjestikulacione joparlamentare, përçmuese dhe ofenduese ndaj kolegëve/ kolegeve dhe të ftuarve që ndikojnë negativisht në perceptimin e publikut për deputetin.
