Deputeti socialist Pjerin Ndreu ka njoftuar lënin e mandatit të deputetit për të kandiduar për bashkinë e Lezhës. Nëpërmjet një statusi në Facebook, Ndreu shkruan se pas gjashtë vitesh në Komisionin e Sigurisë në Kuvend, e presin sfida të reja.
“Sot pas mbledhjes se fundit te Komisionit te Sigurise ne Kuvend, beme nje foto te gjithe bashke. U jam mirenjohes te gjithe kolegeve qe kam punuar ne ate komision qe nga viti 2013, te pozites dhe opozites, per gjithe mbeshtetjen, mirekuptimin, eksperiencen e ndersjellte, dhe tejkalimin e ndonje tensioni politik. Pas 6 viteve jete aktive ne ate komision, ndjehem me i pjekur dhe me i pergatitur per te perballu sfiden e veshtire qe me pret ne Bashkine e Lezhes. Faleminderit kolege qe me dhate energji e force per te ecur para dhe per te konkuruar per te fituar!”, ka shkruar Pjerin Ndreu në Facebook.
Pjerin Ndreu ka nisur prej kohësh fushatën elektorale në qytetin e Lezhës, ku pretendon të marrë drejtimin e bashkisë. Ai u konfirmua si kandidat i të majtës edhe në Kongresin e Partisë Socialiste./Opinion.al
