TIRANE- Deputeti i PDIU, Aqif Rakipi, i akuzuar nga PD se ka ushtruar dhunë ndaj kryetarit të kësaj partie në Peqin, mohon të jetë përfshirë në këtë ngjarje. Por mënyra se si ai ka gjetur të mbrohet është pak absurde. Sipas tij nuk vertetohet nëse është ai dhunuesi nëse akuzuesi nuk ka pamje.
Dje Partia Demokratike përmes sekretarit të Përgjithshëm, Arben Ristani denoncoi se është dhunuar kryetari i PD-së në Peqin, Diell Çela. PD akuzoi dikret deputetin e Çamëve, Aqif Rakipi. Ky i fundit në një prononcim për Panoramën thotë se nuk e di çfarë deklarate ka bërë PD. “Unë personalisht jam në Tiranë dhe nuk jam në dijeni të ngjarjes që ka ndodhur në Peqin”, u shpreh ai Aqif Rakipi.
Ai tha më tej: “Janë akuza të pabaza. Ai personi që e ka dhënë këtë informacion të paraqesë fotografi apo pamje filmike në lidhje me këto pretendime”.
Prokuroria ende nuk ka njoftuar nisjen e hetimeve për këtë rast dhune në radhët e politikës, ku i akuzuar është një deputet.
