Eshtë tejet e tensionuar situata sot në dy fakultetet më të mëdha në vend, në fakultetin e Drejtësisë dhe atë të Ekonomisë në Tiranë. Gjatë natës ka ndërhyrë fillimisht policia private dhe më pas policia e shtetit për të nxjerr jashtë studentet e ngujuar.
Pasi janë njoftuar për situatën tek Fakulteti i Drejtesisë kanë shkuar deputetët e PD Gent Strazimiri, Albana Vokshi, Flamur Noka, Endri Hasa, Ervin Salianji, Klevis Balliu dhe Gazment Bardhi. PD thotë se deputetet kanë qendruar aty bashke me studentet.
Në një status në facebook, Strazimiri u bën thirrje pedagogeve te bashkohen me studentët.
Statusi i plotë:
Qeveria sapo ka përdhosur me narko-polici tempullin e dijes, Fakultetin e “së drejtës” , të Drejtësisë! Ka rrahur prokurorët, gjyqtarët, avokatët e nesërm ata që nuk kanë nevojë për “vetting” !!!!!
Qeveria ka përgatitur edhe lajmin që do konsumoni në mëngjes së bashku me kafen e parë: mësimi vazhdon normalisht, studentët i duan tarifat sa ç’thotë qeveria!
TURP I PËRJETSHËM PËR ÇDO PEDAGOG QË TRADHËTON STUDENTËT E TIJ DUKE VAZHDUAR “PËRDITSHMËRINË” PAS PËRDHOSJES!
P. S. Ndryshe nga ç’raportojnë mediat e regjimit, studentë vazhdojnë qëndresën brenda fakultetit Juridik!
Të tjera lajme rreth ngjarjes
Foto-Video/ Blindohet me policë fakulteti i Ekonomisë
VIDEO/ Polici dhunon studentin: Hiqi duart, kush je ti që fut duart në fyt
Video/ Incident dhe tek Ekonomiku, policia përplaset me studentët
VIDEO/ Incident pas mesnate, policia tenton të nxjerrë jashtë studentët
