Deputeti i PD-së Ervin Salianji ka mbërritur në Prokurorinë e Krimeve të Rënda për të dëshmuar për çështjen “Babalja” dhe video-përgjimin e Fredi Alizotit. Deputeti i PD-së do të merret në pyetje si person nën hetim.
Kujtojmë që Ervin Salianji, të martën publikoi në emisionin “Opinion” një video-përgjim që hidhte poshtë versionin e prokurorisë, në lidhje me komunikimin me telefon të dëshmitarit X (Albert Veliu) me Alfred Alizotin.
Në pamjet e transmetuara, Alizoti nuk e di se po regjistrohet thotë se është marrë në makinë nga Drejtori i Policisë së Shtetit Ardi Veliu dhe është dërguar në Prokurorinë e Krimeve të Rënda në mënyrë që të pranojë versionin që i shkon për shtat Xhafës. Alizoti tha se Taulant Balla i ka ofruar 200 mijë euro dhe me të ka pirë një kafe tek prokuroria.
