Deputeti i Partisë Demokratike, Agron Shehaj, të mërkurën, ka prezantuar një aplikacion që i vjen në ndihmë biznesit të vogël për të llogaritur taksën e TVSH-së.
Përmes një publikimi në rrjetin social Facebook, Shehaj ka treguar aplikacionin dhe mënyrën e funksionimit që llogarit shumën që bizneset e vogla do paguajnë për qeverinë.
“Je biznes i vogël? A e di sa taksë më shumë do paguash për qeverinë? Hape www.metvsh.com dhe llogarit taksën dhe fitimin pas datës 1 prill!”,- shkruan Shehaj.
Nga 1 Prilli të gjitha bizneset që kryejnë xhiro deri në vlerën 2 milionë lekë u futen në skemën e TVSH-së.
Ndërsa, 11 mijë e 300 bizneseve të tjera do t’u duhet të mbajnë librat e shitjes, ku do të shënojnë të ardhurat dhe shpenzimet, kasat fiskale dhe do t’u duhet të plotësojnë deklaratën e TVSH-së një herë në tre muaj.
