Deputeti i PD-së, Klevis Balliu, të shtunën, deklaroi se dorëheqja e ministrit të Brendshëm, Fatmir Xhafaj, tregon se e gjithë kupola e PS-së është në krye të krimit dhe udhëhiqet nga bandat.
Përmes një mesazhi të shkurtër në Facebook, Balliu thekson se ky largim erdhi pikërisht në ditën kur ish-ministri i Brendshëm, Saimir Tahiri kishte lajmëruar të fliste për kundërshtarët e tij të Rilindjes, por që tashmë është tërhequr nga ky komunikim publik.
Për të, bandat e larguara, po kërcënojnë bandat në qeveri.
Sipas tij, ky largim i Xhafës shtron pyetjen se kujt i shërbeu; Edi Ramës, Olsi Ramës apo u dorëzua përballë Tahirit?
