Deputeti i LSI për qarkun e Shkodrës, Agron Çela nuk është larguar nga seanca plenare e ditës së sotme, por ka marrë pjesë në votimin e ligjeve, siç duket edhe në fotot e dala në media.
Kujtojmë se sot pati një tjetër moment të tensionuar në sallën e parlamentit, ku më pas opozita u largua duke braktisur punimet. Por Cela është parë të qendrojë në seancë. Sipas News 24, Agron Çela mungonte prej kohësh për arsye personale në parlament, dhe besohet se prania e tij sot ka qenë kryesisht për të shpëtuar mandatin. Gjithsesi këtë pritet ta konfirmojë vetë z. Cela nëse ka ndonjë qendrim kundër grupit parlamentar ku aderon apo jo.
Ky është rasti i dytë për LSI-në. Një javë më parë ishte deputeti i Fierit Robert Bitri që nuk pranoi të bojkotojë seancën por qendroi në sallë, ndërsa kolegët e tij të grupit parlamentar kishin bojkotuar parlamentin.
/Opinion.al
