Deputetët demokratë të Tiranës janë në terren për të organizuar protestën e të enjtes para Parlamentit, ndërsa më herët një pjesë e mirë e tyre kanë ndjekur edhe punimet në komisionet e Kuvendit. Nënkryetari demokrat Edi Paloka shpjegoi se do të ketë një ndërthurje të aktivitetit Parlamentar dhe protestës që do të shoqërojë votimin e projekt-buxhetit të shtetit dhe ligjeve të tjera të rëndësishme.
Edi Paloka, kryetar i grupit parlamentar demokrat, tha se protesta është një kundërshtim i projektbuxhetit dhe paketës fiskale, që sipas tyre do varfërojë më tej shqiptarët, por jo qeveritarët.
Kryeministri Rama thotë se demokratët po thërrasin për revolucion se nuk e duan shtetndërtimin, si përgjigje demokratët tërheqin vëmendjen tek disa kontraste.
Protesta do të zhvillohet në një ditë kur në fakt vota e mazhorancës dhe të opozitës pritet të shënojë një kompromis të madh mes palëve për dekriminalizimin. Opozita nuk lexon paradoks.
Vota për dekriminalizimin vjen një vit pas marrëveshjes parlamentare, por sipas opozutës është një arritje me të cilën u thonë qytetarëve se këmbëngulja jep rezultat. /abcnews/
