Deputetët e opozitës kanë tentuar të hyjnë në zyrën e Klotilda Bushkës, ndërsa pritej që të bëhej mbledhja e sekretariatit të Etikës.
Në këto momente Berisha dhe Albana Vokshi janë futur ‘live’ në Facebook duke treguar se çfarë po ndodh.
Duke iu drejtuar publikut online, Berisha thotë se ata kërkuar që të marrin pjesë në mbledhje dhe të dëshmojnë se po shkelet Kushtetuta me përjashtimin e tyre.
Ai thekson se erdhën për debat të hapur dhe për të denoncuar motivet antikushtetuese të përjashtimit të tyre nga Parlamenti.
“Ky qëndrim banditesk i komisioneve dëshmoi se ky Parlament nuk meriton të ekzistojë as edhe një javë. Ky parlament përfaqëson interesat e kësaj pseudomazhorance. Erdhëm për debat të hapur për motivet, për të denoncuar motivet antikushtetuese të përjashtimit të tyre nga Parlamenti.
Shifni si merren vendimet këtu. Ajo dëgjon vetëm njërin largohet dhe thotë se kam harruar të marr vendimin, se unë jam ajo që marr vendim pa pyetur ligje dhe rregullore. Po mbrohen nga 5 badigardë. Në vend që të dëgjojë vendimet thotë se e ka marrë vendimin. Paqe nuk ka në këtë parlament deri në rikthimin e plotë të të drejtave kushtetuese të deputetëve”, tha Berisha ‘live’ në Facebook.
