Kreu i LSI Monika, në një intervistë në emisionin “Kjo javë”, ka folur ndër të tjera edhe fjalët se deputetë të LSI mund të largohen nga ky grup parlamentar për t’ju bashkuar mazhorancës. Ajo u shpreh se nuk ka asnjë shans që t’i bashkohen qeverisë e për më tepër Rama po kërcënon deputetë të ndryshëm.
“Nuk ka asnjë shans që të bashkohen me qeverinë. Rama po i kërcënon deputetë të ndryshëm. Ajo që dua të them është një fushatë manipulative, që po bën presion ndaj deputetëve të tij që janë të pa bindur. Edhe rastet që janë parë, që ata kanë qëndruar në Kuvend kanë qenë vetëm për shkak të mungesës në votim, pasi u digjej mandati”, tha Kryemadhi.
Ndër të tjera, Kryemadhi foli edhe për Mandatin e Spartak Brahos, që tashmë zë vend në grupin kuvendot socialist, pas largimit të Tahirit. “Uroj që të ketë punë të mbare dhe të jetë mirë për zgjedhjen që ka bërë”, u shpreh ajo.
Kujtojmë që Braho ka qenë pjesë e LSI.
