Lufta në Ukrainë ka arritur në ditën e saj të 395-të, ndërkohë që Vladimir Putin njofton se “ndërtimi i një depoje taktike të armëve bërthamore në Bjellorusi do të përfundojë më 1 korrik”.
Më pas ai deklaron se “Rusia do të prodhojë mbi 1600 tanke brenda një viti”. Nga ana tjetër për Kievin, “ekziston rreziku i një dështimi të sistemeve të ftohjes së termocentralit bërthamor Zaporizhia. Kjo mund të nënkuptojë një skenar të mundshëm të Fukushimës”. Drejtori i përgjithshëm i Agjencisë Ndërkombëtare të Energjisë Atomike (IAEA), Rafael Grossi, do të udhëtojë në termocentralin bërthamor javën e ardhshme.
Komandantët e Forcave Ajrore të Suedisë, Norvegjisë, Finlandës dhe Danimarkës kanë nënshkruar një letër për të krijuar një mbrojtje ajrore të unifikuar nordike që synon të kundërshtojë kërcënimin në rritje nga Rusia. Presidenti Zelensky po kërkon municion të ri: “Pa ndihmë ushtarake – thotë ai – ne nuk mund të ndërmarrim një kundërsulm”./Opinion.al
