Departamenti i Thesarit në Shtetet e Bashkuara të Amerikës kanë vendosur sanksione ndaj dy zyrtarëve të Bosnjë-Hercegovinës.
Bëhet fjalë për Marinko Cavara, President i Federatës së Bosnje-Hercegovinës dhe Alen Seraniç, Ministër i Shëndetësisë dhe Mirëqenies Sociale në Republika Srpska. Në njoftim thuhet se ata kanë kërcënuar stabilitetin e rajonit.
“Thesari ka sanksionuar dy zyrtarë të shquar në Bosnje dhe Hercegovinë: Marinko Cavara, Presidentin e Federatës së Bosnje-Hercegovinës dhe Alen Seranic, Ministër i Shëndetësisë dhe Mirëqenies Sociale në Republika Srpska, për kërcënimin e stabilitetit të rajonit”-thuhet në njoftim.
Ndërkohë, ka reaguar dhe Sekretari Amerikan i Shtetit, Antony Blinken, i cili përmes një postimi në “Twitter”thotë se dy zyrtarët kanë dëmtuar Marrëveshjen e Paqes të Dejtonit dhe proceset demokratike të Bosnje-Hercegovinës.
“E ardhmja e Bosnje-Hercegovinës nuk mund të komprometohet nga partitë etno-nacionaliste në kurriz të qytetarëve të saj. Sot Departamenti Amerikan i Shtetit caktoi dy zyrtarë që kanë dëmtuar Marrëveshjen e Paqes të Dejtonit dhe proceset demokratike të Bosnje-Hercegovinës”, ka shkruar Blinken.
Treasury has sanctioned two prominent officials in Bosnia and Herzegovina: Marinko Cavara, the Federation of Bosnia and Herzegovina President, & Alen Seranic, Republika Srpska Minister of Health and Social Welfare, for threatening the region’s stability.https://t.co/xNefwUxAQq
— Treasury Department (@USTreasury) June 6, 2022
Bosnia and Herzegovina’s future cannot be compromised by ethno-nationalist parties at the expense of its citizens. Today, @USTreasury designated two officials who have undermined the Dayton Peace Agreement and Bosnia and Herzegovina’s democratic processes.
— Secretary Antony Blinken (@SecBlinken) June 6, 2022
