Një vajzë 12 vjeçare ka vdekur pas përdorimit të tepërt të deodorantit në furgonin e pushimeve të familjes së saj. Paige Daughtry, ishte shumë e brengosur rreth higjienës personale të saj, kështu që ka përdorur sprej për trup në masë të madhe, thuhet në një hetim gjyqësor, shkruan “Manchester Evening News”.
Substanca e avullueshme në aerosol ka ndikuar në ritmin e rrahjeve të zemrës së vajzës. Ajo ishte gjetur e shtrirë përmbys në shtratin e furgonit nga e ëma. Pavarësisht se është dërguar për në spital, ajo nuk ka mundur të mbijetojë – ku ka vdekur dy orë më vonë.
Hetuesit policor që po merrnin me rastin kanë gjetur një kanaçe të “Right Guard” të deodorantit pranë vendit ku është gjetur vajza. Doktorët kanë thënë se ajo ka thithur butan dhe izobutan por që nuk ka pasur ndonjë shenjë të “përdorimit kronik”.
Zonja Daughtry tha se ajo mund të shpenzonte orë të tëra në shtrat dhe hidhte sprej sepse nuk dëshironte të kundërmonte erë të keqe.
“Ajo ka përdorur deodorant edhe në dhoma te vogla, për ç’ka edhe i kam tërhequr vërejtjen”.
“Mendoj se çdo vajzë 12 vjeçare e bën këtë, vënien e deodorantit. Por ajo po mbi-përdorte atë – e bënte më shumë se sa çdo vajzë tjetër”.
