Një këndvështrim ndryshe ofrohet nga festa e Bektashinjve, me pelegrinazhin e përvitshëm në malin e Tomorit.
Moderatori dhe aktivisti i njohur, Arbër Çepani, publikon në profilin e tij Facebook, një foto që tregon se festa është kthyer në promovimin e dhunës dhe terrorit ndaj kafshëve, që theren për nder të kësaj feste:
“Ulërima therrëse si zë fëmijësh…..sy të llahtarisur që lotojnë….gjak që shpërthen si shatërvan kudo që shikon…..Njerëz që hanë shpretka të gjalla sepse ashtu e do tradita…. Fytyra fëmijësh që lyhen me gjak sepse ashtu “është mirë”…. Male të mëdha të krijuara nga mbeturinat e të brendshmeve të kafshëve që “nuk duhen”…..Kanalizime të ndërtuara posacërisht për rrjedhjen e gjakut të atyre që s’kanë gojë të flasin…. Ky është përdhunimi që i bëhet Malit të shenjtë të Tomorrit në festën e Baba Aliut! Këto janë “veprat e mira” që i bëhen dhuratë Zotit që të na “bekojë”!!! E respektoj bektashizmin si fe, jam bir i atyre anëve dhe i atij mali….por asnjeherë nuk kam për të pranuar “festa” që promovojnë dhunën, erën e gjakut dhe terrorit!! Ai mal duhet të kundërrmojë aromë paqeje, dashurie, sherebeli dhe rigoni si bimët endemike që ka dheu i tij…..jo kufomash dhe barbarie!!! Zoti na faltë për gjithçka i bëjmë kësaj toke!!” përfundon Arbri statusin e tij.
