TIRANË- Koleksionisti korçar Gjergji Thimio ndodhet në burg ku vuan dënimin për vjedhjen dhe trafikimin e veprave të artit.
Por ato ikona që u gjetën në shtëpinë e tij dy vite më parë u sekuestruan dhe u mbajntë në Galerinë e Arteve prej dy vitesh.
Sot, siç dëshmojnë këto foto është bërë transportimi i veprave të artit me furgon policie, jashtë çdo lloj kushti që nevojitet për mirmbajtjen e tyre.
Sakaq, komuniteti i artistëve ka reaguar dhe dënuar këtë veprim, pasi veprat e artit nuk transportohen në të tilla kushte për asnjë arsye. Duhet që Ministria e Kulturës të sqarojë këtë situatë.
Më poshtë ju sjellim denoncimin në Facebook të Humans of Tirana
Ky është respekti për artin z. Kryeminister?
Përveç faktit që këto vepra janë marrë një koleksionisti në mënyrë të turpshme, ngelen rrugëve për muaj e muaj të tërë, dhe kur mendohet se kanë gjetur ndonjë cep për t’i ekspozuar, i transportojnë si rrecka të një dengu me rroba të përdorura.
E frikshme, e papranueshme, si mund të transportohen ikonat në të tillë mënyrë?
Z. Shabani, Drejtor i Galerisë së Arteve, artist, piktor
Z.Rama, Kryeminister i Shqipërisë, artist, piktor
Faleminderit që na tregoni si duhet t’i trajtojmë ato pak vepra arti që na kanë ngelur!
