Ish-kryeministri, Sali Berisha, ka publikuar denoncimin e një qytetari dixhital, i cili shkruan se është pjesë e stafit të urgjencës së spitalit “Shefqet Ndroqi”, i cili u kthye në spital COVID 2 për shkak të pandemisë së koronavirusit.
Sipas mesazhit të publikuar, denoncuesi tregon se stafit nuk i është dhënë bonusi i premtuar nga qeveria si vështirësi për COVID-19.
POSTIMI I BERISHËS
Denoncon Edvin gënjeshtrën për mashtrimin e radhës!
Stafit të urgjencës të spitalit Shefqet Ndroqi nuk u jepet bonusi i premtuar si vështirësi për COVID-19!
Lexoni denoncimin e qytetarit dixhital
Përshëndetje dua të bëj një denoncim, jemi stafi i urgjencës sanatorium. Nuk na kanë dhënë shpërblimin akoma 1000 e. QSUT-ja e ka marrë, ne duan të na i përgjysmojnë se iu japin dhe administratës. Të lutem postoje se nesër do e ndajnë mbase ndryshojnë mendje. Anonim te lutem.
