Lidhur me ngjarjen e djeshme në Dibër, ku demokratët Xhelal Mziu dhe Xhemal Gjunkshi denoncuan një rast të dyshuar të shpërndarjes së parave në këmbim të votave dhe pretenduan për të shtëna me armë zjarri, policia ka dalë me një njoftim zyrtar.
Njoftohet nga blutë se Gjunkshi pretendoi se ishte punonjësi i policisë E.Gj, personi i cili po shpërndante para për blerje votash dhe se në largim ka qëlluar në ajër me armë zjarri.
Sipas tvklan, mësohet se njëherazi oficeri është dhe babai i kandidatit për deputet të Partisë Socialiste, shtetasit D.Gj.
Sipas njoftimit të policisë, në vendngjarje nuk janë konstatuar gëzhoja apo shenja të tjera që mund të provojnë se është përdorur armë zjarri.
Sakaq punonjësi blu është shoqëruar në Komisariat dhe i është sekuestruar arma e shërbimit.
